Ħarsa lejn iċ-Ċentru Parrokjali minn Ġewwa : Dawk li jaddu minn ħdejn il-knisja parrokjali ta’ San Ġiljan bħalissa forsi jaħsbu li x-xogħol fuq iċ-ċentru parrokjali waqaf u mhu qed isir xejn.  Min qed jahseb hekk sejjer żball.  Bħalissa għaddejja ħidma fuq ġewwa fejn sar żbarazzar u qed isir il-kisi. Ovvjament għad fadal ħafna xogħol xi jsir, kemm ġewwa kif ukoll barra. Hawn taħt issibu xi ritratti li ttieħdu waqt żjara mal-periti.     This slideshow requires JavaScript.  ...

Programm taċ-Ċelebrazzjonijiet fl-okkażjoni tal-Festa Titulari ta’ San Ġiljan Ospitalier 19 – 27 ta’ Awwissu 2017 : Is-Sibt 19 ta’ Awwissu 7.45pm Quddiesa fix-xatt mill-W.R. Kappillan Dun Claude Portelli (illum ma ssirx il-quddiesa tat-7.45pm fil-Knisja Parrokkjali). Wara l-quddiesa jkun hemm attività fl-istess post. Il-Ħadd, 20 ta’Awwissu – Jum il-Familja 7.00pm Fil-Knisja Parrokkjali, ser tiġi organizzata quddiesa għall-familji. Mistiedna b’mod speċjali l-koppji li kienu żżewġu mill-festa tas-sena l-oħra sal-lum, koppji li għandhom xi anniversarju taż-żwieġ u koppji li kellhom tarbija f’din l-aħħar sena. F’din il-quddiesa ssir il-preżentazzjoni tat-trabi lil San Ġiljan. Jiċċelebra l-quddiesa l-W.R. Kappillan Dun Claude Portelli. It-Tnejn, 21 ta’ Awwissu – Jum id-Dilettanti tal-Festa u Ħruġ tal-Vara min-Niċċa 7.00pm Quddiesa għad-dilettanti tal-festa, għall-kaċċaturi u dawk li  jġibu isem il-Patrun San Ġiljan, animata mis-St. Julian’s Choral Group immexxi mis-Sur Pio Dalli. Jqaddes il-W.R. Kappillan Dun Claude Portelli Wara jsir il-ħruġ tal-vara artistika ta’ San Ġiljan min-niċċa. Kif il-vara titwassal fuq iz-zuntier jinħaraq salut u kaxxa infernali filwaqt li l-Banda San Ġiljan tilqa’ il-vara bid-daqq ta’ l-innu popolari u ta’ marċi oħra. It-Tlieta, 22 ta’ Awwissu – Jum l-Anzjani u l-Morda 6.30pm Fil-Knisja Parrokkjali l-Antika (Ta’ Lapsi), tiġi ċċelebrata quddiesa għall-anzjani u l-morda, organizzata mill-Kummissjoni Djakonija, li fiha jiġi amministrat is-sagrament tal-Griżma tal-Morda.  Il-quddiesa tkun immexxija minn W.R. Dun Paul Mizzi, Viċi-Kappillan, u animata mis-St Julian’s Choral Group. Wara jkun hemm riċeviment żgħir għall-anzjani fuq iz-zuntier tal-Knisja ta’ Lapsi. Fis-7.00pm ikun hemm quddiesa xorta waħda fil-Knisja Parrokkjali. L- Erbgħa, 23 ta’ Awwissu – Jum it-Tfal 7.00pm Fil-Knisja Parrokkjali tiġi ċċelebrata quddiesa għat-tfal minn W.R. Dun James Saydon, Viċi-Kappillan tal-Parroċċa ta’ Marija Immakulta Omm il-Knisja tal-Ibraġ, u animata mill-Folk Group. Waqt il-quddiesa ssir il-vestizzjoni tal-abbatini l-ġodda. Wara ssir manifestazzjoni għat-tfal bl-istatwa ta’ San Ġiljan mill-Knisja Parrokkjali u tgħaddi minn Triq il-Kbria, Triq Lapsi sal-Knisja ta’ Lapsi. Il-purċissjoni tiġi akkumpanjata mill-Banda Spinola. Il-Ħamis, 24 ta’ Awwissu – Jum l-Għaqdiet 7.00pm Fil-Knisja Parrokkjali ser tiġi organizzata quddiesa mill-Kunsill Pastorali Parrokkjali li għaliha huma mistiedna l-kummissjonijiet parrokkjali u l-għaqdiet reliġjużi u soċjali tal-parroċċa. Il-quddiesa ser tiġi ċċelebrata mill-W.R. Mons. Joe Galea Curmi, Vigarju Ġenerali tal-Arċidjoċesi, fi tmiem il-quddiesa titkanta l-Antifona Beate...

Il-Festa qed Toqrob !! : Il-festa ta’ San Ġiljan qed toqrob ġmielha.  Iż-żmien għaddej igerbeb u d-dilettanti għaddejjin b’ħidma bla heda biex ilaħqu dak kollu li għandhom ippjanat. Inżommu f’moħħna wkoll li l-festa tagħna tkun waħda nisranija, li tagħti ġieħ lil San Ġiljan u tagħmel unur lilna lkoll bħala Ġiljaniżi. Għalhekk nagħmlu appell qawwi lil kulħadd sabiex f’dawn il-jiem nieħdu sehem attiv fil-funzjonijiet reliġjużi li jsiru fil-knisja u nersqu għall-Qrar u Tqarbin. Inġibu ruħna ta’ Nsara anke fil-festi ta’ barra u nevitaw xorb żejjed u affarijiet oħra li ma jagħmlux ġieħ. Nirringrazzjaw lil kulħadd tal-impenn sħiħ f’dawn il-jiem b’tant sagrifiċċji anke dawk...