- Griżma tal-Isqof:
Nhar it-Tnejn fil-5.30pm se jsir rehearsal għat-tfal li se jagħmlu l-Griżma flimkien mal-parrini tagħhom fil-Knisja Parrokkjali. Nhar il-Ġimgħa mill-5.30pm sas-7.00pm, se jkun hawn is-servizz tal-qrar għat-tfal, ġenituri u parrini fil-Knisja Parrokkjali. Nhar is-Sibt fil-5.30pm issir iċ-Ċelebrazzjoni tal-Griżma tal-Isqof fil-Knisja Parrokkjali.
Dakinhar ikun hawn quddiesa waħda biss fit-7.45pm.
Ikun hemm quddiesa fis-6.30pm fil-Knisja ta’ Lapsi.
Il-parking tal-iskola primarja jkun miftuħ.
- Lectio Divina: Nhar il-Ġimgħa ser issir Lectio Divina fis-7.30pm fis-Sala Papa Ġwanni Pawlu II. Kulħadd huwa imħeġġeġ sabiex jattendi.
- Laqgħa Koppji Miżżewġin: Il-laqgħa li jmiss ser tkun is-Sibt li ġej fis-7.30pm fis-Sala Papa Ġwanni Pawlu II. Jista’ jiġi ipprovdut childminding jekk iċċemplu l-Uffiċċju Parrokkjali biex tavżawna minn qabel. It-tema li ser tiġi diskussa dan ix-xahar hija ‘Bil-Fidi Jaqbillek?’.
- Ħin tax-Xitwa: Il-weekend li ġej indawru l-arloġġ siegħa lura u għalhekk il-quddiesa ta’ filgħaxija, kemm tal-Ħadd, kif ukoll ta’ matul il-ġimgħa tkun fis-6.30pm. Il-quddies tas-Sibt filgħaxija jibqa’ l-istess.
- Quddiesa Anniversarju Żwieġ: Nhar il-Ħadd fis-6.30pm, ser issir quddiesa ta’ radd il-ħajr għal dawk il-koppji li għandhom l-Anniversarju taż-Żwieġ tagħhom matul dan ix-xahar, flimkien mal-familjari tagħhom.
