Il-wirja ġiet u għaddiet. Wirja li ġabret taħt saqaf wieħed diversi oġġetti liturġiċi li jinsabu fil-knejjes ta’ San Ġiljan. Permezz tal-wirja, diversi saċerdoti li snin ilu taw is-servizz tagħhom ġewwa San Ġiljan, reġgħu irritornaw ġewwa San Ġiljan biex jammiraw wirt missirijietna. Diversi nies li joqgħodu ġewwa San Ġiljan qatt ma bassru bil-ġmiel li għandna fil-knejjes tagħna. Minn din il-paġna nirringrazzjaw lill-mijiet li ġew iżuru din il-wirja. Dawk li kienu hemm kuljum biex jassistu f’din il-wirja jafu li n-nies ma qatgħu xejn anzi baqgħu ġejjin sal-aħħar. Grazzi lil kuħadd.
