- Coffee Morning: Nhar it-Tlieta ser isir Coffee Morning b’risq il-Parroċċa fis-Sala ħdejn il-Knisja Parrokkjali mid-9.30am ‘l quddiem.
- Grupp Ħbiberija: Il-Kummissjoni Djakonija tavża illi l-laqgħa li jmiss tal-Grupp Ħbiberija se issir nhar l-Erbgħa u se tkun ikla ġewwa M’Xlokk. Se jkun hemm it-trasport fis-7.00pm minn Spinola. Dawk kollha li jixtiequ jibbukkjaw għandhom iċemplu l-Uffiċċju Parrokkjali sa nhar it-Tlieta filgħaxija.
- Quddiesa għat-tfal: Nhar il-Ħadd il-quddiesa tad-9.30am fil-Knisja Parrokkjali tkun animata mit-tfal. Din se tkun l-aħħar quddiesa qabel il-vaganzi tas-sajf u se jkollna xi ħaġa speċjali għat-tfal ukoll.
- Ġabra – Offerta ta’ San Pietru: Il-Kurja ta’ Malta tavża illi l-weekend li ġej fil-knejjes kollha tal-Arċidjoċesi tagħna ser issir ġabra speċjali biex ngħinu lill-Qdusija Tiegħu l-Papa Franġisku fil-ħidmiet tiegħu bħala ragħaj tal-Knisja Universali ukoll permezz ta’ għotjiet ta’ karita’ mad-dinja kollha ma’ ħutna l-aktar fil-bżonn, speċjalment ma’ dawk milqutin minn xi emerġenza, diżastru naturali jew gwerra. Inħeġġu lil kulħadd biex inkunu ġenerużi kif dejjem konna.
- Kors ta’ Kana: Dawk il-koppji li se jiżżewġu fis-sentejn li ġejjin huma mħeġġa jattendu għall-Kors ta’ Kana. Fil-parroċċa tagħna, dan il-kors isir nhar ta’ Ħadd filgħodu u jibda l-aħħar ta’ Settembru. Min hu interessat jista’ japplika fl-Uffiċċju Parrokkjali fil-ħinijiet tal-uffiċċju.
- Avviż mill-Kunsill Lokali: Il-Kunsill Lokali San Giljan jixtieq jgħarraf lill-pubbliku li hemm servizz ta’ Mini Van mill-Bajja tal-Balluta għal Ta’ Giorni mill-15 ta’ Ġunju 2018 sal-15 ta’ Settembru 2018 fid-9.30pm u fl-10.30pm.
- Ikla: Fid-29 ta’ Ġunju se tkun organiżżata ikla b’risq il-Parroċċa. Dettalji mill-Uffiċċju Parrokjali jew fuq in-noticeboards.
- Jum il-Missier: Illum niċċelebraw Jum il-Missier. Awguri lill-missirijiet kollha.
Related
