Fl-aħħar jiem kompla jsir iżjed xogħol fis-Sala Parrokjali l-ġdida li tinsab taħt iz-zuntier il-ġdida tal-knisja parrokjali ta’ San Ġiljan. Wara l-installazzjoni tal-elettriku u servizzi oħra, issa beda x-xogħol tal-madum tal-art. B’hekk is-sala ħadet dehra oħra. Din is-sala tista’ tintuża għal diversi attivitajiet. J’Alla dan il-proġett jitgawda kemm mill-ġenerazzjoni preżenti u anke dawk futuri. 
Is-sala hija parti minn proġett kbir li l-parroċċa daħlet għalih fejn spazju moħli ġie żviluppat u issa jista’ jibda’ jiġi utiliżżat minn kulħadd.
Bħalissa qed isir ukoll xogħol fuq booking system kemm għas-sala parrokjali u anke għall-kmamar tal-laqgħat.
Minn din il-paġna aħna nkomplu naġġornawkom bix-xogħol li jkun għaddej. Min ikollu xi mistoqsijiet jew diffikultajiet għandu jirrikorri fil-paġni uffiċċjali tal-parroċċa jew iċempel l-uffiċċju parrokjali għall-appuntament mal-kappillan.
