Is-sena 2019 li għadha kemm bdiet, jekk kollox jimxi kif inhu ippjanat, ser tkun sena oħra impenjattiva għall-parroċċa Ġiljaniża. Ser tkun sena li matulha ser ikun inawgurat iċ-Ċentru Parrokkjali.
Is-sena 2017 kienet is-sena li ra l-bidu ta’ dan il-proġett permezz tat-twaqqieħ tat-taraġ l-antik u l-bini tal-kmamar u s-sala. Kienet is-sena wkoll li rat taraġ ġdid li minn fuq il-pont jagħti aċċess għall-knisja.
Is-sena 2018 rajna żvilupp u tibdil radikali fuq iz-zuntier tal-knisja. Zuntier akbar, isbaħ u aktar komdu. Mis-sena msemmija, l-purċissjonijiet mhux bil-fors iridu jinżlu t-taraġ tal-pont iżda sar hemm aċċess dirett lejn il-parking area ta’ ħdejn il-Book Centre.
Is-sena 2019 x’ser iġġib magħha ? Din hija s-sena fejn iċ-ċentru għandu jiġi inawgurat u jibda’ jiffunzjona. Diġa sar ħafna xogħol izda għad fadal xi jsir. Ir-ritratti t’hawn taħt juru l-progress kbir li sar u x’jonqos isir.
Is-sena 2019 hija s-sena fejn ħolma oħra tal-kappillan Dun Claude Portelli ser issir realta’.
