IĊ-ĊELEBRAZZJONIJIET KOLLHA JSIRU FIL-KNISJA PARROKKJALI
L-Erbgħa, 25 t’Awwissu
Jum it-Tfal
7.00PM| Quddiesa li fiha jieħdu sehem it-tfal tal-Parroċċa u ssir il-vestizzjoni tal-11-il abbatin ġdid. Imexxi l-quddiesa l-viċi Kappillan Dun Paul Mizzi u tkun animata mill-Aljevi tal-Banda San Ġiljan. Wara l-quddiesa l-istess Aljevi se jagħtu Kunċert qasir fuq iz-zuntier tal-Knisja Parrokkjali.
Il-Ħamis, 26 t’Awwissu
Jum l-Anzjani
7.00PM| Quddiesa organiżżata bis-sehem tal-Kummissjoni Djakonija li għaliha mistiedna b’mod speċjali l-anzjani tal-parroċċa tagħna. Fil-quddiesa jingħata wkoll is-Sagrament tal-Griżma tal-morda. Imexxi l-quddiesa Dun Joshua Cortis, saċerdot novell, li qed iservi fil-parroċċa tagħna. Janima l-quddiesa s-St Julians Choral Group, taħt it-tmexxija tas-Sur Pio Dalli. Fi tmiem il-quddiesa jitkanta l-Innu Popolari lil San Ġiljan Ospitalier.
Il-Ġimgħa, 27 t’Awwissu
Jum l-Għaqdiet tal-Parroċċa
7.00PM| Quddiesa li fiha Dun Marco Portelli se jrodd ħajr lil Alla fl-okkażjoni tal-25 Anniversarju mill-Ordinazzjoni Saċerdotali tiegħu. Mistiedna l-Għaqdiet u l-Gruppi tal-parroċċa. Il-ġabra fi tmiem il-quddiesa se tmur għad-Dar tal-Providenza u għall-familji tal-bżonn fil-parroċċa. Fi tmiem il-quddiesa wkoll jitkanta l-Innu Popolari f’ġieħ San Ġiljan Ospitalier.
Is-Sibt, 28 t’Awwissu
Lejliet il-Festa
6.30PM| Translazzjoni solenni bir-Relikwija ta’ San Ġiljan Ospitalier mill-artal tal-Madonna ta’ Pinu u titkanta l-Antifona Beate Juliane ta’ Mro Paolo Nani u wara tibda quddiesa mmexxija mill-W.R. Kappillan Dun Claude Portelli. Fi tmiem il-quddiesa jitkanta l-Innu Popolari lil San Ġiljan Ospitalier.
Il-quddiesa ta’ wara ssir fit-8.00pm.
Il-Ħadd, 29 t’Awwissu
Jum il-Festa
Il-ħin tal-quddies ta’ filgħodu jibqa’ l-istess – 8am, 9.30am, 11am, 12.15pm.
7.00PM | Quddiesa solenni f’Jum il-Festa f’Ġieħ San Ġiljan Ospitalier, immexxija mill-E.T. Mons. Joseph Galea Curmi, Isqof Awżiljarju ta’ Malta u Vigarju Ġenerali tad-Djoċesi, flimkien mal-kleru tal-parroċċa. Il-quddiesa tkun animata mill-Amadeus Chamber Choir u l-orkestra mmexxija minn Mro. Brian Cefai fejn se jesigwixxu Messa di Santa Cecilia ta’ Charles Gounod.
Fi tmiem il-quddiesa titkanta l-Antifona Beate Juliane ta’ Mro Paolo Nani u l-Innu Popolari lil San Giljan Ospitalier.
