- Titlifx it-Tama.
- It-tama tagħtik l-enerġija biex tissokta fi triqtek meta tħossok li ser iċċedi.
- Tħallix il-mumenti ħżiena jegħlbuk. Stabar u dawk jaddu.
- Toqgħodx lura milli titlob l-għajnuna mingħand xi ħadd. Kulħadd ifittex l-għajnuna mument jew ieħor.
- Qis li ma tħossokx tellief meta xi pjanijiet jew ħolm tiegħek ma jirnexxux. Ibqa’ ttama.
- Tinsiex kif titbissem. U tarahiex bi kbira li tibki. Huwa billi tagħmel it-tnejn li huma li tkun kapaċi tgħix ħajtek fil-milja tagħha.
- San Patri Piju kien jagħti din ir-riċetta: Prega – Spera – E non Preoccupati li tfisser ITLOB, ITTAMA U TINKWETAX.
Giovanni Marchione kien qal hekk:
- Ħaddem it-tama li hemm fik;
- Ħares it-tama li hemm fik;
- It-tama tagħti kulur lil ħajtek;
- It-tama hi r-rimja tal-ħajja;
- It-tama tibqa’ sħiħa u soda anke meta l-Mulej jittardja biex jgħinna.
Ħsibijiet miktuba minn Mons. Carmelo Mercieca
